امممممممممممممممم
ماعرف ايش اقول بس نفسي اتكلم
اصــــــــــــــــــــــــــعـــــــــــــــــــــ ـب
شيء في الحياة الفقدان لانو مايتعوض
ابـــــــــــــــــــــــــــــــــــــــــــــداا ااااااا
فكيف لمن يفقد الشخص سندو في دي الحياة
والله حيل صعـــــــــــــــــــــــبة
بس لاإعتراض على حكم وقدر الله
قبل 16 يوم
فقدت نفسي واحساسي بالحياة
قبل لافقد اخوي
لان مافي حياة بدونو
هو حياتي اقرب شخص ليا يفهمني قبل لاتكلم
مع انو اصغر مني ب4 سنين
لساتو في المتوسط وانا جامعية
بس سبحان الله نفس الطباع والذوق والتفكير والطفولة
خرجاتي وروحاتي وجياتي معا
كان ايام اختباراتي لسا هما مابداو اختبارات
كان كل يوم بعد ماخلص مداكرة
من الساعة 1او 2 الليل ياخدني يمشيني ونتعشى برا لمن الفجر
يقول عشان ماتحبسي نفسك ويكون لكي نفس وانتي رايحة الاختبار
اتدكر موقف عمري مانسا كانا نتمشى في يوم معا
فاختي طلبت من كوفي وانا كنت ابغا من كوفي تاني
وهو كان مستعجل لان الوالد يبغا السيارة
كان مامعا رخصة ولا سيارة لساتو صغير
فقلت له ارجع خلاص مو مشكلة مرا تانيا
قال لا زي ماجبت لها اجيب لكي
حتى مايجي يوم وتزعلي مني
وتقولي جاب لها وماجاب ليا
والله ماشفت طيبة وحنان في دي الدنيا قد ماشفتها فيه
كنا نصحي من النوم ونطلب منو مايقول لا ولا يتافف
اخر مرا نزلت معا السوق هو وولد خالي هنودي
جلسنا واتسوقنا واتعشينا
بعد وفاتو دخلت السوق لشيء ضروري مراآ
واقسم بالله الحالة زفت ولا كلمة نطقت
كل مكان يدكرني فيه
دخلت محل وشفت نظارة كان نفسو فيها وفي وقتها ماشتريتها له
فلمن روحت جلست اطل فيها لاشعوريا جلست ابكي
ياريتني اشتريتها بوقتها ولا خليت شيء بنفسو
الان ماني عايشة الا على صورو وريحتو بملابسو اساورو وساعاتو وكتبو
اخر يوم خرج في كان ماخد شماغي قبل لا يخرج نزلو اخر شيء بقي في ريحتو
اتدكر اخر يوم قبل الحادث كنت بالجامعة الساعة 2 الظهر
دق ع جوالي مارديت ارسلت له
" انا عندي محاضرة يابقر ايش تبغا "
قالي صحيني لمن تجي كان يحب ايام الاجازة قد عيونو
يحب يخرج وينبسطويفلها مع توائمو هنودي
سار بعدها يدق وزعجني لان جوالي ع الهزاز
يقولي بس اذية كدا انا طفشان
اخر يوم شفتو يوم التلاتاء كنا نتعشا مع بعض
كان متردد يغيب ولا لا عن المدرسة
وانا اقول له لو غبت ماراح يخليك الوالد تروح عند مهند
اما لو رحت راح يخليك تروح
ويارتني خليتو يغيب بس مايروح للموت
بس كلو قضا الله ء وقدره
بس اخر وقت كلمتو في قبل الحادث ب4 ساعات
اخر مرا سمعت فيها صوتو
وكان عندو العيال ومشغول
هو لمن يكون مشغول ومو عارف يهرج
يقول بمزح " يعني كذا شوياآآ يعني كذاآ خلاص مو مرا انتي "
واجلس ااذي لمن يقول ليا يالله انزلي انا تحت خلاص خلصينا
مرا كلمة مانساها بحياآآآآآآآآتي
كان يحكيني عن صاحبو ربي يشفي فيلو القلب
كان يقولي والله اخاف يموت ويسيبني انا كيف اعيش من دونو
وراح حبيبي وعمري بعز شبابو
الله بس يبدل شبابو الجنة يارب
ماني متخيلة تاالت جمعة تمرا وماروح ازعجو واصحي
كان يقولي طيب ليش تصحيني من الساعة 11
كان ينام بالعناد ويصحى ع الاقامة ويجري ع المسجد
ياآآرب صبرنا وانزع حبهم من قلبي ياااارب
ياآآرب ارحمهم وتغمد روحهم الجنة يارب
ياآآرب عوض شبابهم الجنة يارب
الى الان اكتفي بهذا ولكن لي عودة مع احتضاراتي
الإثنين مايو 25, 2009 8:39 am
